tacdocenter

ຄວາມສໍາຄັນ:ປະຈຸບັນສະພາບບັນຫາຈະລາຈອນນັບມື້ທີ່ຈະເພີ່ມຫຼາຍຂື້ນທີ່ສໍາຄັນຈາກສະຖິຕິການເກີດອຸບັດຕິເຫດທາງຈະລາຈອນທີ່ຜ່ານມາ ມີອຸບັດຕິເຫດເກີດຂື້ນຫຼາຍ ເຊິ່ງສ່ວນໃຫຍ່ເກີດຈາກຄວາມປະມາດ, ຂາດລະບຽບວິໄນຂອງຜູ້ຂັບຂີ່ຍາຫານະ ຜູ້ຂັບຂີ່ບໍ່ປະຕິບັດຕາມກົດຈະລາຈອນ, ຂາດຄວາມຮັບຜິດຊອບຕໍ່ສັງຄົມ, ດັ່ງນັ້ນ ຜູ້ຂັບຂີ່ໂດຍສະເພາະຜູ້ທີ່ມີໜ້າທີ່ ຫຼືອາຊີບທີ່ກ່ຽວຂ້ອງກັບການຂັບຂີ່ຕາມທ້ອງຖະໜົນ ຈຶ່ງມີຄວາມຈໍາເປັນທີ່ຕ້ອງໄດ້ຮັບຄວາມຮູ້ ແລະ ຄວາມເຂົ້າໃຈຢ່າງຖືກຕ້ອງໃນການຂັບຂີ່ ແລະ ໄປເຖິງການສ້າງພຶດຕິກໍາຄວາມປອດໄພ, ປະຕິບັດຕາມກົດຈະລາຈອນ ແລະ ລະບຽບທີ່ກ່ຽວຂ້ອງເພື່ອຊ່ວຍຫຼຸດບັນຫາໄດ້ໃນລະດັບໜຶ່ງ ແລະ ເປັນການສ້າງພາບລັກໃຫ້ອົງກອນໄດ້ເປັນຢ່າງດີ. ຈຸດປະສົງ​ຂອງ​ຫລັກສູດ:     1. ເພື່ອໃຫ້ຜູ້ເຂົ້າຝຶກອົບຮົມ ມີຄວາມຮູ້ ແລະ ທັກສະຂອງການຂັບລົດຢ່າງປອດໄພຕາມກົດກົດໝາຍ ແລະ ລະບຽບຈະລາຈອນທາງບົກ     2. ໃຫ້​ຮູ້​ພາລະ​ບົດບາດ​ ແລະ​ ໜ້າ​ທີ່​ຂອງ​ “ນັກຂັບຂີ່”     3. ເພື່ອໃຫ້ຜູ້ເຂົ້າຝຶກອົບຮົມສາມາດເບິ່ງແຍງຮັກສາລົດ ແລະ ສາມາດກວດເຊັກ​ລົດ​ເບື້ອງ​ຕົ້ນ ເພື່ອ​ຄວາມ​ປອດ​ໄພ​ໃນ​ການ​ປະ​ຕິ​ບັດ​ໜ້າ​ທີ່     4. ເພື່ອປັບປຸງການ​ຂັບລົດແລະການປະ​ພຶດ​ໃນ​ທ້ອງ​ຖະໜົນ​ໂດຍ​ສະ​ເພາະ​ແມ່ນ: ສາມັນ​ສຳນຶກໃນການໃຊ້ລົດແລະເສັ້ນທາງ, ກົດ​ຈໍລະ​ຈອນ ເພື່ອຄວາມປອດໄພ     5. ເພື່ອໃຫ້ຜູ້ເຂົ້າຝຶກອົບຮົມຫຼຸດຄວາມສຽງຂອງການເກີດອຸບັດຕິເຫດຈາກການໃຊ້ລົດໃນຂະນະປະຕິບັດໜ້າທີ່. ເໝາະ​ສົມ​ກັບ: ພະ​ນັກ​ງານ​ຂັບ​ລົດ, ຫົວ​ໜ້າ​ກອງ​ລົດ ແລະ ບຸກຄົນທົ່ວໄປທີ່ສົນໃຈ. ເນື້ອ​ໃນ​ຂອງ​ຫລັກສູດ:  […]

ຫຼັກສູດ: “ທັກສະການບໍລິຫານໂຄງການໃຫ້ປະສົບຜົນສໍາເລັດ”“Project Management Skills” 5ມື້.ວັນທີ່: 10-14/ 11 / 2025, ສໍາລັບ: ຄູອາຈານກົມອາຊີວະສຶກສາ, ກະຊວງສຶກສາທິການ ແລະ ກິລາ ຫຼັກສູດ: “ພາວະຜູ້ນຳໃນທາງກົນລະຍຸດສຳລັບTVET ໃນຍຸກອຸດສາຫະກຳ 4.0” “Intensive Professional Training on TVET Leadership in Industry 4.0: Threats and Opportunities” ວັນທີ່: 24-28/ 11 / 2025, 5ມື້, ສໍາລັບ: ຜູ້ບໍລິຫານອາຊີວະສຶກສາ, ກະຊວງສຶກສາທິການ ແລະ ກິລາ ຫຼັກສູດ: “ການເປັນຜູ້ນຳທີ່ດີ ແລະ ຜູ້ຈັດການທີ່ເກັ່ງ”ວັນທີ່: 01-05/12/2025, 4ມື້, ສະຖານທີ່: ຫ້ອງປະຊຸມ ວິທະຍາໄລເຕັກນິກປາກປ່າສັກ, ນະຄອນຫຼວງວຽງຈັນ

ທີມງານຄູຝຶກ ສູນແທັກໂດ ຈໍານວນ 2ທ່ານ ໄດ້ເຂົ້າຮ່ວມຝຶກອົບຮົມ TOT ແລະ ໄດ້ເຂົ້າຮ່ວມການຝຶກປະຕິບັດການເປັນຄູຝຶກຕົວຈິງ ໃນວັນທີ: 21 ແລະ 28 ມຸຖຸນາ 2025

ເມືອງ ຜາອຸດົມ, ວັນທີ: 4-5.3.2025 ເມືອງ ປາກ​ທາ, ວັນທີ: 6-7.3.2025  ເມືອງ ເມິງ, ວັນທີ: 12-13.3.2025  ຄວາມ​ສຳ​ຄັນ​ຂອງຫຼັກ​ສູດ:​     ການ​ສື່​ສານ​ເປັນ​ສິ່ງ​ຈຳ​ເປັນ​ສຳລັບ​ອົງ​ກອນ​ ໃນ​ການ​ທີ່​ຈະ​ເຮັດໃຫ້​ແຕ່​ລະ​ພາກ​ສ່ວນ​ໃນ​ອົງກອນ​ເຮັດວຽກ​ໄປ​ໃນ​ທິດ​ທາງ​ດຽວ​ກັນ​ພາຍໃຕ້​ເປົ້າ​ໝາຍ ​ແລະ ​ວິ​ໄສທັດ​​ດຽວ​ກັນ​ ບໍ່​ວ່າ​ຈະ​ເປັນ​ພະ​ແນກ​ການ​ຕະຫຼາດ​, ພະ​ແນກ​ເບິ່ງ​ແຍງ​ການ​ຜະລິດ​, ​ພະ​ແນກ​ການ​ເງິນ ​ແລະ ​​ບັນ​ຊີ​, ​ພະ​ແນກ​ບຸກ​ຄົນ​ ຫຼື​​​ພະ​ແນກ​ຊ່ອມ​ແປງ​ບຳ​ລຸງ​ຮັກ​ສາ​ ລ້ວນ​ແລ້ວ​ແຕ່​ຈຳ​ເປັນ​ຕ້ອງ​ມີ​ການ​ສື່​ສານ​ທີ່​ມີ​ປະ​​ສິດ​ທິ​ພາ​ບ​​ລະຫວ່າງ​​ພະ​ແນກ​ເພື່ອ​ເຊື່ອມ​ຄວາມ​ສຳພັນ​ລະຫວ່າງ​​ພະ​ແນກ ​ແລະ​ ສົ່ງ​ເສີມ​ຄວາມ​ສຳ​ເລັດ​ໃນ​ພາບ​​ລວມ​ຂອງ​ອົງ​ກອນ ການ​ສື່​ສານ​ນັ້ນ​ມີ​ສ່ວນ​ສຳຄັນ​ຫຼາຍ​ໃນ​ການ​ເພີ່ມ​ປະ​ສິດ​ທິ​ພາບ​ການ​ເຮັດ​ວຽກ​, ສ້າງ​ຄວາມ​ເພິ່ງ​ພໍ​ໃຈ​ໃຫ້​ແກ່​ລູກ​ຄ້າ​, ພັດທະນາ​ຄຸນນະພາບ​ ແລະ​ສ້າງສັນ​ຜະລິດຕະພັນ​ໃໝ່​ໆ​ໃນ​ອົງກອນ​ ເປັນ​ຕົ້ນ​.     ການ​ສື່​ສານ​ທີ່​ມີປະ​ສິດ​ທິ​ພາບ​ນັ້ນ​ສຳຄັນ​ຕໍ່​ຄວາມ​ສຳ​ເລັດ​ຂອງ​ອົງ​​ກອນ​ບໍ່​ສະເພາະ​ກັບ​​ຫົວ​ໜ້າ​​ ແຕ່ລວມ​ໄປ​ເຖິງ​ພ​ະນັກ​ງານ​ທຸກ​ຄົົນທີ່​ຕ້ອງ​ມີ​ສ່ວນ​ຮ່ວມ​ເປັນ​ຜູ້​ສື່​ສານ​ທີ່​ມີ​ທັກ​ສະ​ ເພາະ​ການ​ສື່​ສານ​ຄື​ການ​ແບ່ງ​ປັນ ​ແລະ ​ສົ່ງ​ຕໍ່​ຂໍ້​ມູນ​ລະຫວ່າງ​ຄົນ​ສອງ​ຄົນ​ ຫຼື​ຫຼາຍກວ່າ​ນັ້ນ​ເພື່ອ​ໃຫ້​ເຂົ້າໃຈ​​ຕົງ​ກັນ​ ​ຖ້າຫາກ​ວ່າ​ຂໍ້​ມູນ​ຖືກ​ເຂົ້າໃຈ​ໄດ້​ພຽງ​ບາງ​ສ່ວນ​ ຫຼື​ເຂົ້າໃຈ​ຜິດ​ພ້ຽນ​ໄປ​ ບັນຫາ​​ກໍ່ຈະ​ເກີດ​ຕາມ​​ມາຈົນ​ອາດ​ບານ​ປາຍ​ເປັນ​ຄວາມ​​ສູນ​ເສຍ​ຂອງ​ອົງ​ກອນ​ໄດ້​.     ທັກ​ສະ​ການ​ສື່​ສານ​ຢ່າງ​ມີ​ປະ​ສິດ​ທິ​ພາບ​ສ້າງ​ປັດ​​ໄຈ​ທາງ​ບວກ​ໃນ​​ບ່ອນ​ເຮັດວຽກ​ ດັ່ງ​ຄຳ​​ກ່າວ​ທີ່​ວ່າ​ “​ຍິ່ງ​ເຮົາ​ສື່​ສານ​ກັນ​ຫຼາຍ​ຂຶ້ນ​ເທົ່າ​​ໃດ​ ເຮົາ​​ຍິ່ງ​ເຂົ້າໃຈ​ກັນ​ຫຼາຍ​ຂຶ້ນ​ເທົ່າ​ນັ້ນ​” ຄ​ວາມ​ເຂົ້າໃຈ​ກັນ​ຫຼາຍ​ຂຶ້ນ​ນີ້​ເອງ​ຊ່ວຍ​ຫຼຸດ​ຄວາມ​ຂັດ​​ແຍ້ງ​ພາຍ​ໃນ​ອົງ​ກອນ​ ລະຫວ່າງ​​ພະ​ນັກ​ງານ​ກັບ​​ພະນັກ​ງານ​, ລະຫວ່າງ​ຫົວ​ໜ້າ​ງານ​ກັບ​ລູກ​ນ້ອງ​ ຫຼື​ ​ລະຫວ່າງ​​ພະ​ແນກກັບ​ພະ​ແນກ​ ສະພາບ​ບັນ​ຢາ​ກາດ​ການ​ເຮັດ​ວຽກ​ແບບ​ນີ້ກໍ່​ຈະ​​ເປັນ​ປັດ​ໄຈ​ທາງ​ບວກ​ໃນ​ການ​ເຮັດ​ວຽກ​ທີ່​ມີປະ​ສິດ​ທິ​ພາບ​ຫຼາຍ​ຍິ່ງ​ຂຶ້ນ​.