ຄວາມສຳຄັນຂອງຫຼັກສູດ:
ປະຈຸບັນໄກ່ພື້ນບ້ານໄດ້ຮັບຄວາມນິຍົມເພີ້ມຂຶ້ນຫຼາຍ ເປັນຍ້ອນໄກ່ພື້ນບ້ານມີລົດຊາດແຊບ ແລະ ຊີ້ນແໜ້ນ ເປັນທີ່ຖືກປາກຂອງຜູ້ບໍລິໂພກທົ່ວໄປ ຈົນມີແນວໂນ້ມວ່າ ຈະສາມາດສົ່ງຊີ້ນໄກ່ພື້ນບ້ານອອກໄປຈຳໜ່າຍຍັງຕ່າງປະເທດ ແລະ ທີ່ສຳຄັນຄືເລື່ອງຂອງຄວາມປອດໄພຈາກສານເລັ່ງ, ສານເຄມີຕ່າງໆ ເນື່ອງຈາກໄກ່ພື້ນບ້ານເປັນໄກ່ສາຍພັນທີ່ສາມາດ ປັບຕົວໃຫ້ເຂົ້າສະພາບແວດລ້ອມຂອງແຕ່ລະທ້ອງຖິ່ນໄດ້ເປັນຢ່າງດີ ມີຄວາມທົນທານຕໍ່ພະຍາດຕ່າງໆ ລ້ຽງງ່າຍ, ໃຫຍ່ໄວບໍ່ຕ້ອງ ລົງທຶນສູງ, ຖ້າມີລະບົບການຈັດການທີ່ດີແລ້ວເກືອບຈະບໍ່ຕ້ອງໃຊ້ສານເຄມີໃດໆເລີຍ ເໝາະສຳລັບຜູ້ທີ່ຄິດຈະເລີມຕົ້ນການ ລ້ຽງໄກ່ ເປັນອາຊີບທີ່ເຮັດໃຫ້ຄອບຄົວມີລາຍໄດ້ ແລະ ສາມາດພຶ່ງພາຕົນເອງໄດ້ອີກ ຢັງຈະເປັນແນວທາງສົ່ງເສີມໃຫ້ເກີດ ກຸ່ມອາຊີບຕ່າງໆ ໃນຊຸມຊົນເພີ້ມຂຶ້ນອີກຫຼາຍກຸ່ມໃນອະນາຄົດ.
ຈຸດປະສົງ:
- 1. ເພື່ອໃຫ້ຜູ້ຝຶກອົບຮົມມີຄວາມຮູ້, ຄວາມເຂົ້າໃຈ ແລະ ມີທັກສະໃໝ່ໃນການລ້ຽງໄກ່ພັນພື້ນບ້ານໃນຍຸກປະຈຸບັນ.
- 2. ເພື່ອໃຫ້ຜູ້ຝຶກອົບຮົມສາມາດສ້າງກິດຈະກໍາເສີມປະກອບອາຊີບໄດ້.
- 3. ເພື່ອສາມາດເພີ່ມລາຍໄດ້, ຫຼຸດລາຍຈ່າຍໃນຊີວິດປະຈໍາວັນຂອງຜູ້ລ້ຽງ.
ກຸ່ມເປົ້າໝາຍ:
- 1. ປະຊາຊົນ ຫຼື ຜູ້ທີ່ສົນໃຈຢາກຈະເຮັດອາຊີບນີ້ ຫຼື ເລີມເຮັດທຸກລະກິດນີ້(ໃໝ່).
2. ຜູ້ທີ່ມີອາຊີບລ້ຽງໄກ່ ແລະ ຕ້ອງການພັດທະນາອາຊີບລ້ຽງໄກ່ນີ້.
3. ພະນັກງານສົ່ງເສີມການປູກຝັງລ້ຽງສັດຂອງອົງການຈັດຕັ້ງພາກລັດ ຫຼື ພາກທຸລະກິດ.
4. ຜູ້ທີ່ບໍ່ທັນມີອາຊີບ.