ຄວາມສໍາຄັນຂອງຫຼັກສູດ:
ຄວາມສຳເລັດໃນການບໍລິຫານທຸລະກິດຄືຄວາມສຳເລັດໃນການບໍລິຫານລູກຄ້າ, ເພາະເປັນທີ່ຮູ້ກັນດີວ່າ ຖ້າລູກຄ້າພຶງພໍໃຈຕໍ່ການໃຫ້ບໍລິການ ກໍຈະນຳມາເຊິ່ງຄວາມປະທັບໃຈ ແລະ ກັບມາໃຊ້ບໍລິການເພິ່ມເຕິມຈາກອົງກອນໄດ້ ແຕ່ໃນປະຈຸບັນ “ລູກຄ້າ” ມີຄວາມຮູ້ເພີ້ມຫຼາຍຂຶ້ນ, ເຮັດໃຫ້ມີຄວາມຄາດຫວັງໃນການຊື້ສິນຄ້າຈາກຜູ້ຂາຍເຊັ່ນ: ການໃຫ້ບໍລິການ, ການຕອບຂໍ້ສອບຖາມ ແລະ ການໃຫ້ຄຳແນະນຳ, ຄວາມຄາດຫວັງນີ້ອາດຈະເກີດຂຶ້ນໂດຍກົງ ແລະ ຄວາມຄາດຫວັງໂດຍອ້ອມ, ຄວາມຄາດຫວັງເຫຼົ່ານີ້ອາດຈະມີການສະແດງອອກມາໃນຫຼາຍຮູບແບບ ຕັ້ງແຕ່ການຕໍ່ວ່າ, ປະຊົດປະຊັນ, ຈົນເຖິງການຮຽກຮ້ອງ-ຕໍ່ວ່າໃນຮູບແບບຕ່າງໆ…ເຊິ່ງລ້ວນແລ້ວແຕ່ເປັນການສະແດງຄວາມບໍ່ພຶງພໍໃຈໃນຜູ້ຂາຍທັງໝົດ, ທັກສະທີ່ສຳຄັນທີ່ຜູ້ໃຫ້ບໍລິການຈຳເປັນຕ້ອງເລັ່ງສ້າງໃຫ້ພະນັກງານນັ້ນມີຄວາມຮູ້ຄືການພັດທະນາໃຫ້ມີທັກສະໃນການໃຫ້ບໍລິການ, ການແກ້ບັນຫາ, ການໃຫ້ຄຳແນະນຳ ແລະ ການຕອບສະໜອງຕໍ່ຂໍ້ຮຽກຮ້ອງ-ຕໍ່ວ່າທີ່ລູກຄ້າອາດຈະມີຂຶ້ນ ຈຶ່ງເປັນຄວາມສຳຄັນຍິ່ງສຳລັບຜູ້ທີ່ຢູ່ໃນທຸລະກິດທຸກຄົນ ຕ້ອງມີຄວາມຮູ້ຄວາມເຂົ້າໃຈໃນການບໍລິການ ໂດຍສະເພາະຜູ້ທີ່ຢູ່ໃນຕຳແໜ່ງທີ່ຕ້ອງຕິດຕໍ່ກັບລູກຄ້າຢູ່ເປັນປະຈຳ ຈຶ່ງຕ້ອງມີຄວາມຮູ້ ແລະ ມີທັກສະທີ່ສຳຄັນໃນການບໍລິຫານຈັດການກັບອາລົມ ແລະ ຄວາມຮູ້ສຶກຕ່າງໆ ຈາກລູກຄ້າ ເພື່ອການຮັບມືກັບສະຖານະການຕ່າງໆ ແບບມືອາຊີບ.
ຫຼັກສູດ: “ເຕັກນິກການສ້າງຄວາມພຶງພໍໃຈໃນການບໍລິການ ແລະ ການບໍລິຫານຂໍ້ຮຽກຮ້ອງ-ຕໍ່ວ່າຂອງລູກຄ້າ” ເປັນຫຼັກສູດທີ່ລວບລວມເຖິງເຕັກນິກຕ່າງໆ ທີ່ຈະສ້າງຄວາມພໍໃຈ ແລະ ກຳຈັດຄວາມບໍ່ພຶງພໍໃຈ ລວມໄປເຖິງວິທີການຈັດການກັບອຸປະສັກຕ່າງໆ ເມື່ອຕ້ອງປະເຊີນກັບຄວາມບໍ່ພຶງພໍໃຈຈາກລູກຄ້າ ເຊິ່ງຈະເປັນປະໂຫຍດຕໍ່ການຮຽນຮູ້ ແລະ ນຳໄປໃຊ້ໃນຊີວິດການເຮັດວຽກ ເພື່ອຄວາມເປັນເລີດທາງທຸລະກິດຕໍ່ໄປ.
ຫຼັກສູດນີ້ເໝາະສົມກັບ:
ທີມງານໃນຝ່າຍຂາຍ, ທີມງານ Call Center, ນັກການຕະຫຼາດ, ພະນັກງານ, ຜູ້ບໍລິຫານ, ຜູ້ທີ່ຕ້ອງຕິດຕໍ່ກັບລູກຄ້າທັງທາງກົງ ແລະ ທາງອ້ອມ
ຈຸດປະສົງ:
1. ເພື່ອໃຫ້ຜູ້ເຂົ້າຝຶກອົບຮົມໄດ້ຮູ້ຫຼັກການໃຫ້ບໍລິການໃນຮູບແບບຕ່າງໆ ແລະ ການບໍລິຫານຄວາມບໍ່ພໍໃຈຈາກລູກຄ້າໃນຮູບແບບຕ່າງໆ.
2. ເພື່ອເຂົ້າໃຈຄວາມຄາດຫວັງທີ່ແທ້ຈິງທີ່ລູກຄ້າຕ້ອງການ ແລະ ການຕອບສະໜອງແບບໃດໃຫ້ໂດນໃຈ.
3. ການແກ້ໄຂບັນຫາ ແລະ ການປ້ອງກັນບັນຫາທີ່ຈະເກີດຂຶ້ນ.
ເນື້ອໃນການຝຶກອົບຮົມ:
1. ກະແຈຄວາມສຳເລັດໃນການເຮັດທຸລະກິດທີ່ບໍລິສັດຊັ້ນນຳຕ່າງໆນຳມາໃຊ້.
2. ວິເຄາະລູກຄ້າ ແລະ ຄວາມຄາດຫວັງຂອງລູກຄ້າໃນແຕ່ລະປະເພດ.
3. ຫຼັກການສ້າງຄວາມພຶງພໍໃຈແບບ 3Ps’.
4. ເຂົ້າໃຈສາເຫດຄວາມບໍ່ພຶງພໍໃຈ ແລະ ຂັ້ນຕອນຂອງຄວາມບໍ່ພໍໃຈ.
5. ຄວາມສຳຄັນຂອງການບໍລິຫານຄວາມພຶງພໍໃຈລູກຄ້າ.
6. ເຈາະເລິກຄວາມຕ້ອງການທີ່ແທ້ຈິງຂອງລູກຄ້າຕໍ່ການຮຽກຮ້ອງ-ຕໍ່ວ່າ.
7. ການກວດວັດລະດັບຂອງຄວາມບໍ່ພຶງພໍໃຈຂອງລູກຄ້າ.
8. ຂັ້ນຕອນທີ່ສຳຄັນໃນການບໍລິຫານຈັດການ ເມື່ອມີຜູ້ຮຽກຮ້ອງ-ຕໍ່ວ່າ.
9. ສ້າງທັດສະນະຄະຕິເຊີງບວກໃຫ້ທີມງານ ໃນຂະນະຮັບຂໍ້ຮຽກຮ້ອງ-ຕໍ່ວ່າ.
10. ການສ້າງກົນໄກການປ້ອງກັນການຮຽກຮ້ອງ-ຕໍ່ວ່າແບບຖາວອນ.
11. ເຕັກນິກການສື່ສານ ແລະ ຕໍ່ລອງໃນວຽກການຮຽກຮ້ອງ-ຕໍ່ວ່າແບບມືອາຊີບ.
ຮູບແບບການຝຶກອົບຮົມ:
1. ການບັນລະຍາຍ 40 %
2. ເກມ / ກິດຈະກຳກຸ່ມ / ຝຶກປະຕິບັດ Workshop ແລະການນາສະເໜີຜົນງານກຸ່ມ 60%