ຫຼັກ​ສູດ: “ການ​ສື່​ສານ​ພາຍ​ໃນ​ອົງ​ກອນ​ເພື່ອຄວາມ​ສຳ​ເລັດ” “Effective Communication Within the Organisation”, ​ວັນທີ: 27-28/06/2024 (2 ມື້)

ຄວາມ​ສຳ​ຄັນ​ຂອງຫຼັກ​ສູດ:

          ການ​ສື່​ສານ​ພາຍ​ໃນ​ອົງ​ກອນ​ – Internal Communication ຖື​ເປັນ​ເຄື່ອງ​ມື​ສຳຄັນ​ທີ່​ນຳ​ພາ​ອົງ​ກອນໃຫ້​ປະ​ສົບ​ຄວາມ​ສຳ​​ເລັດ​ຢ່າງ​ມີປະ​ສິດ​ທິ​ພາບ​ ໂດຍ​ອົງກອນ​ທີ່​ປະ​ສົບ​ຄວາມ​ສຳ​​ເລັດ​ນັ້ນ​ມັກ​ຈະ​ມີ​ຮູບ​ແບບ​ການ​ສື່​ສານ​ພາຍ​ໃນ​ອົງ​ກອນ ທີ່​ຫຼາກ​ຫຼາຍ​ຫຼາຍ​ຊ່ອງ​ທາງ​ ບໍ່​ຢຶດ​ຕິດ​ກັບ​ຮູບ​ແບບ​ເກົ່າ​ໆ​ ເພື່ອ​ໃຫ້​ບຸກ​​ຄະລາກ​ອນທຸກ​​ລະ​ດັບ​ຂອງ​ອົງ​ກອນມີ​ປະຕິ​ສຳພັນ​ກັນ​ຢ່າງ​ຕໍ່​ເນື່ອງ​.

           ໂດຍ​ການ​ສື່​ສານ​ທີ່​ມີປະ​ສິດ​ທິ​ພາບ​ນັ້ນ​ ຈະ​ກໍ່​ໃຫ້​ເກີດ​ການ​​ປະ​ສານ​ງານ​ພາຍ​ໃນ​ອົງ​​ກອນ​ທີ່​ດີ​ມີປະ​ສິດ​ທິ​​ຜົນ​ສູງ​ ແລະ​​ລາບ​​ລື່ນ​ ແລະ​ ປະຈຸບັນ​ນີ້​ອົງກອນ​ເກືອບທຸກ​ອົງ​ກອນ​ໃນ​ປະເທດໄດ້ພະຍາມ​ຍາມ​ທີ່​ຈະ​ນຳ​ເອົາ​ເ​ທັກ​ໂນ​ໂລ​ຢີ,​ ກິດຈະກໍາກົດ​ລະບຽບ,​ ເຕັກ​ນິກ​ການ​ບໍລິຫານ​ໃໝ່​ໆ​ ເຂົ້າ​ມາ​ໃຊ້​ໃນ​ອົງກອນ, ເພື່ອ​ຄາດຫວັງ​ໃຫ້​ເກີດ​ການ​ປ່ຽນ​ແປງ​ທີ່​ດີ​ຂຶ້ນ​ ແຕ່​ມັກ​ບໍ່​ໄດ້​ປັບ​ໃຊ້​ກັບ​ອົງ​​ກອນຂອງ​​ຕົວ​ເອງ​ຢ່າງ​ເໝາະ​ສົມ​.

          ບໍ່​ວ່າ​ຈະ​ເປັນ​ເພື່ອ​ການຈັດລະບຽບ,​ ການສ້າງ​​ປະ​ສິດ​ທິ​ພາບ​ການ​ເຮັດ​ວຽກ,​ ການ​ປ່ຽນ​ຮູບ​ແບບ​ການ​ບໍລິຫານ​ໃນ​ອົງກອນ​ ແຕ່​ສິ່ງ​ໜຶ່ງ​ທີ່​ມັກ​ຖືກ​ລະ​ເລີຍ ​ແລະ ​ບໍ່​ທຸ້ມເທ​ກັບ​ສິ່ງ​ນັ້ນ​ຢ່າງ​ຈິງ​ຈັງ​ນັ້ນ​ກໍ​ຄື​: “ເລື່ອງ​ຂອງ​ການ​ສື່​ສານ​” ເຊິ່ງ​ບັນຫາ​ທີ່ເກິດຂື້ນ​ຕາມ​ມາ​ ຄື:​ ເກີດ​ຄວາມ​ບໍ່​ເຂົ້າໃຈ​ກັນ​ລະຫວ່າງ​ບຸກ​ຄະ​ລາ​ກອນ​ພາຍ​ໃນ​ອົງກອນ​ດຽວ​ກັນ​ ດັ່ງ​ນັ້ນ​ສິ່ງ​ຕ່າງ​ໆ​ ທີ່​ຈະ​ນຳ​ມາ​ຂັບ​ເຄື່ອນ​ອົງ​ກອນ​ກໍ​​ປະ​ສົບ​ກັບ​ຄວາມ​ລົ້ມ​ເ​ຫຼວ​ຂາດ​​ປະ​ສິດ​ທິ​ພາບ​ ເພາະ​ບໍ່​ໄດ້ຮັບ​ຄວາມ​ຮ່ວມ​ມື​ ຫຼື ​ຖືກ​ພະ​ນັກ​ງານ​ຕໍ່​ຕ້ານ​, ມີ​ອະຄະຕິ​, ດ້ວຍ​ເຫດຜົນ​ກໍ​ຄື:​ ພ​ະນັກ​ງານ​ບໍ່​ໄດ້ຮັບ​ການ​ສື່​ສານ​ ຫຼື ​ຂໍ້​ມູນ​ທີ່​ຊັດເຈນ​ພໍ​.

ຈຸດ​ປະ​ສົງ:

  • ເພື່ອ​ໃຫ້​ຜູ້​ເຂົ້າ​ຝຶກ​ອົບຮົມ​ສາມາດ​ຮຽນ​ຮູ້​, ເຂົ້າໃຈ​ທຳມະຊາດ​ ແລະ​ ພື້ນ​ຖານ​ຂອງ​ຕົນເອງ​ ແລະ​ ຜູ້​ອື່ນ​
  • ເພື່ອ​ໃຫ້​ຜູ້​ເຂົ້າ​ຝຶກອົບຮົມ​ສາມາດ​ພັດທະນາ​ການ​ສື່​ສານ​ໃຫ້​ມີປະ​ສິດ​ທິ​ພາບ​ ແລະ ​ມີ​ສຳ​ພັນ​ທະພາບ​ທີ່​ດີ​ ກັບ​ເພື່ອນ​ຮ່ວມ​ງານ​ທີ່​ມີ​ບຸກຄະລິກກະພາບ​ຕ່າງ​ກັນ​.
  • ເພື່ອ​ໃຫ້​ຜູ້​ເຂົ້າ​ຝຶກ​ອົບຮົມ​ສາມາດ​ຮຽນ​ຮູ້​ການ​ເຮັດ​ວຽກ​ຮ່ວມ​ກັບ​ຜູ້​ອື່ນ​ໄດ້​ຢ່າງ​ມີ​ຄວາມ​ສຸກ​ ແລະ​ ບັນ​ລຸ​ເປົ້າ​ໝາຍ​ດຽວ​ກັນ​ເພື່ອ​ໃຫ້​ຜູ້​ເຂົ້າ​ຝຶກອົບຮົມ​ຮູ້​ເຖິງ​ວິທີ​ຫຼຸດ​ຄວາມ​ຕຶງ​ຄຽດ​ໃນ​ການ​ເຮັດ​ວຽກງານ​ຮ່ວມ​ກັບ​ຄົົນທີ່​ມີ​ຄວາມ​ແຕກ​ຕ່າງ

ເນື້ອ​ໃນ​ການ​ຝຶກ​ອົບ​ຮົມ:

  1. ອົງ​ປະກອບ​ຂອງ​ການ​ສື່​ສານ​
  2. ຂະ​ບວນ​ການ​ສື່​ສານ​
  3. ຫນ້າທີ່​ຂອງ​ການ​ສື່​ສານ​
  4. ກົດ​ເກນ​ໃນ​ການ​ສື່​ສານ​ທີ່​ດີ​
  5. ວັດທະນະທຳ​ການ​ສື່​ສານ
  6. ການສ້າງ​ແຮງ​ຈູງ​ໃຈ​ໃຫ້​​ພະ​ນັກ​ງານ​ຮັກ​ອົງ​ກອນ
  7. ບົດ​ບາດ​ຂອງ​ຜູ້​ບໍລິຫານ​ໃນ​ການສ້າງ​ຄວາມ​ຮັກ​ໃນ​ອົງ​ກອນ
  8. ຄວາມຫມາຍ​ຂອງ​ຄວາມ​ຜູກ​ພັນ​ກັບ​ອົງ​​ກອນ
  9. ຄວາມ​ສຳພັນ​ຂອງ​ຄົນ​ກັບ​ອົງ​ກອນ​ໃນ​ຢຸກ​ປະຈຸບັນ
  10. ທັກ​ສະ​ໃນ​ການ​ຮັບ​ຟັງ
  11. ອຸປະສັກ​ໃນ​ການ​ຟັງ
  12. ເຕັກ​ນິກ​ການ​ຟັງ​ຢ່າງ​ຕັ້ງ​ໃຈ
  13. ກົດ​ແຫ່ງ​ການສ້າງ​ມະນຸດ​ສຳພັນ​ທີ່​ດີ​ໃນ​ທີ່​ເຮັດວຽກ
  14. ທັກ​ສະ​ໃນ​ສື່​ສານ​ໃນ​ອົງ​ກອນ
  15. ອຸປະສັກ​ໃນ​ການ​ສື່​ສານ​ລະຫວ່າງ​ບຸກ​ຄົນ
  16. ຊົມ​ເຊີຍ​ຢ່າງ​ເປີດ​ເ​ຜິຍ
  17. ​ກາ​ນ​ຕຳ​ນິ​ສົ່ງ​ຂ່າວ​ຢ່າງ​ສ້າງ​ສັນ

ຮູບ​ແບບ​ການ​ສຳ​ມະ​ນາ:
1. ການ​ບັນລະຍາຍ   40 %
2. ເກມ / ກິດຈະກຳ​ກຸ່ມ / ຝຶກ​ປະຕິບັດ Workshop, ແລະ​ການ​ນາ​ສະເໜີ​ຜົນ​ງານກຸ່ມ ​  60 %